‎يوم في النيل و قصر المانسترلي مع افرح‎

Friday  19 April  2019  1:30 PM    Friday  19 April  2019 8:30 PM
Save Saved
Last update 20/04/2019
  3697

خلينا نفرح خارج جو القاهرة الخانق و الملئ بعوادم العربيات و التراب .. بدل ما كل يوم بنروح نكح تراب و صدرنا تاعبنا .. خلينا نستجم و نشم جو نقي و نفصل تماماً عن أي توتر و ضغط الشغل و الحياة و الناس .. خلينا نفرح ^_^
علشان كده عملنا لكم البرنامج ده مخصوص علشان الجو اللي كلنا عايشينه بقالنا فترة و بنعيشه ..
علشان نفصل في مكان محدش يزعجنا فيه .. علشان نشحن بطاريتنا و نقدر نكمل .. :)
دعوة_خاصة_للمصورين :)
----------------------------------------------
هنبدأ بإذن الله بالتجمع أمام قصر المانسترلي يوم الجمعة الموافق 19 إبريل الساعة 01:30 بعد صلاة الجمعة ، و هنبدأ يومنا الرائع في تمام الساعة 02:00 ظهراً ، بالآتي ♥ :
*هندخل قصر المانسترلي و نشوف روعة الزخارف الداخلية و الشرفات الخاصة بالقصر و نتصور فيه ♥
*هندخل مقياس النيل و نشوف روعة الزخارف الكتابية و عظمة النحت الداخلي للمقياس و تصميمه و فكرته.
*هندخل متحف الست أم كلثوم و نشوف منديلها و أزياءها و اكسسواراتها.
*نتحرك بعد كده للمرسى و نشوف قصور المنيل ، و نبدأ رحلتنا بيخت خاص بينا في النيل للاستجمام و الاسترخاء بعيداً عن ازعاج القاهرة.
*من أول ما نطلع اليخت و نبدأ نستجم هنبدأ نصور القاهرة من قلب النيل .. و من جزيرة المنيل نبدأ نعدي على جزر النهر الرائعة زي جزيرة الدهب و جزيرة يعقوب إلخ ..
*و فجأة .. نعمل لكم فقرة العود ^_^ .. هيكون معانا إن شاء الله الفنان الرائع (تامر فاروق) علشان نسمع منه أجمل طرب من زمن الفن و الطرب الأصيل و نغني مع بعض و نحس بالطمأنينه ... و نفرح :)
*بعد فقرتنا للعود نصور الغروب من وسط النيل و الخُضرة و الجزر المحيطة بينا .. و نتصور أجمل صور مع بعض .. لحد ما نرجع المرسى تاني حوالي الساعة 8 مساءاً و بكده يكون يومنا انتهى ♥
---------------------------------------
هيكون معانا في رحلتنا لشرح معالم قصر المانسترلي و مقياس النيل الأستاذ حسام عبد العظيم
**طيب إزاي هنروح للقصر؟؟
لو هنركب مواصلات ، هنركب ميكروباص أو أي مواصلة من موقف عبد المنعم رياض هتاخد الكورنيش من التحرير في اتجاه المعادي و حلوان ، و ننزل عند كوبري المانسترلي ، هنعدي الكوبري هنلاقي القصر على شمالنا ^_^
و لو هنيجي مترو هنركب المترو و ننزل محطة "مارجرجس" و أول ما نخرج منها هنلاقي كوبري على ايدينا الشمال ، هنطلعه هنلاقي قدامنا شارع "القبوة" هنمشي فيه لآخره 5 دقائق هنلاقي شارع الكورنيش ، أول ما نطلع على الشارع هنلاقي على يميننا كوبري المشاه ، هنطلعه و نعدي الناحية التانية ، هنلاقي كوبري المانسترلي الخشبي الشهير ، و لما نعدي هنلاقي مدخل قصر المانسترلي على شمالنا ..
و ده اللوكيشن علشان نسهل عليكم الطريق ♥
http://bit.ly/2G9Jp7T
-------------------------------------
سعر الفرد 150 جنيه شامل تذاكر دخول المزارات و الشرح من مرشد سياحي متخصص و تأجير يخت (خاص بينا) ذهاب و عوده و العزف على العود.
هام_جدا .. بادروا بالحجز لأن العدد محدود جداً و هو 25 فرد ، و الحجز بأولوية الدفع.
الدفع من خلال المقابلة الشخصية أو البريد .. برجاء التواصل على الصفحة أو الرقم التالي :
01063019395
ملحوظات_هامه :
*دعوة خاصة جداً لكل المصورين لفرصة إلتقاط أروع الصور في قصر المانسترلي و مقياس النيل و من وسط النيل و الجزر المحيطة بينا ♥
*رحلتنا في نهر النيل حوالي 3 ساعات و في طريقنا هنعدي على أماكن تاريخية و نتعرف عليها و احنا في قلب النيل.
*السعر غير شامل وجبة غداء ، و ده علشان أذواقنا بتختلف ، و كمان حبينا نخليه جو عائلي أكتر و نعمل (Dish party) و ناكل كلنا سوا في جو عائلي وسط النيل ^_^
* إحنا غير مسؤولين عن تأخر أحد المشتركين في اللحاق بينا.
*غير مسموح بالتحدث في الدين أو السياسة تماماً.
*الإلتزام بنظافة جميع المزارات و اليخت.
---------------------------------------------------
علشان تعرفوا عننا و تتابعونا دي صفحتنا
fb.me/Efra7.tours
و علشان تشرفونا في عيلتنا الكبيرة و نخطط و نتفق على رحلاتنا الجاية ، ده الجروب الخاص بينا
fb.com/groups/Efra7.tours

party
Nearby hotels and apartments
قصر المانسترلي
شارع الملك الصالح, القاهرة, محافظة القاهرة, مصر
قصر المانسترلي
شارع الملك الصالح, القاهرة, محافظة القاهرة, مصر